Finalmente remataron as chuvias que impediron xuntarnos no mes de Marzo, e case Abril, pero o 27- 28 conseguimos realizar a 2º Xornada de Escalada en Parede, desta vez non puidemos estar todos dada a complexidade de combinar datas e posibilidades de cada un, e tamén polo improvisado do evento xa que a verdade o tempo estaba moi inestable.
Nesta xornada, contamos con Lalo e Daniel acompañados polo coordinador do proxecto e xuntos en cordada conseguimos percorrer dous itinerarios na parede da Meadinha (Portugal), alcanzando o cumio con cerca de 150 m. de percorrido en cada unha delas.
Chegamos o sábado despois do xantar e partimos cara a parede realizando a vía “S” cunha dificultade max. de 6b+ e 5 largos de lonxitude. Foron 3h intensas onde a punto estivemos de abandonar polas repetidas nevaradas que nos caeron durante o ascenso. Durmimos no vivac situado o pé da parede e o domingo cedo afrontamos a combinación de 5 largos da “KK de Luxe-Autopista-Duelo ao Sol” cunha dificultade de 6b e cun percorrido sinuoso o longo da parede. Case 3h foron suficientes para alcanzar o cumio cunha satisfacción foi moi grande, pero si cabe máis grande foi a friaxe que pasamos!!
En fin, o importante foi a experiencia acumulada e a satifacción de Dani e Lalo por ter acadado por 1º vez o cumio desta magnífica parede por partida dobre.
